استانا ماڭىنداعى جولامان اۋەايلاعى ماڭىندا جەڭىل موتورلى ۇشاق اپاتقا ۇشىرادى. قايعىلى وقيعا 22 ماۋسىم كۇنى شامامەن ساعات 11:30-دا ورىن العان, دەپ حابارلايدى Shalqar.kz.

TL-2000 ماركالى ۇشاق وقۋ-جاتتىعۋ رەيسىن ورىنداپ جاتقان. ۇشاقتىڭ جەكەمەنشىك تۇلعاعا تيەسىلى ەكەنى بەلگىلى بولدى. الدىن الا دەرەكتەرگە سايكەس, بورتتا بولعان ەكى ەكيپاج مۇشەسى دە وقيعا ورنىندا كوز جۇمدى.

قازىر اپات ورنىنا كولىك مينيسترلىگىنە قاراستى كولىكتەگى وقيعالار مەن ينتسيدەنتتەردى تەرگەۋ دەپارتامەنتىنىڭ ماماندارى اتتاندى. ارنايى كوميسسييا قۇرىلىپ, اپاتتىڭ ناقتى سەبەپتەرى انىقتالاتىن بولادى.