Qazaqstanda zeynetaqılar, järdemaqılar men äleumettik tölemder aytarlıqtay köbeyedi. Bwl turalı 23 mausımda ötken Senat otırısında prem'er-ministrdiñ orınbasarı – wlttıq ekonomika ministri Serik Jwmanğarin mälimdedi, dep habarlaydı Shalqar.kz.

Ministrdiñ aytuınşa, bwl maqsatqa byudjetten şamamen 800 milliard teñge bölinedi.

“Zeynetaqılardı, järdemaqılar men äleumettik tölemderdi indeksaciyalauğa biz şamamen 800 milliard teñge qarastırdıq. Byudjet onı kötere aladı, sondıqtan äleumettik jağınan osal toptar üşin asa ülken küyzelis bolmaydı dep oylaymın”, – dedi Serik Jwmanğarin.

Sonday-aq ministr birinşi jäne ekinşi toptağı mügedektigi bar adamdar üşin salıq salınbaytın tabıs kölemi 289 mıñ teñgeden 1,6 million teñgege deyin wlğaytılğanın atap ötti. Bwl şeşim 350 mıñ salıq töleuşige 12 milliard teñge ünemdeuge mümkindik beredi.

Bwğan qosa, Jwmanğarin qosımşa qwn salığı 2026 jıldan bastap 20%-ğa ösetinin, osığan baylanıstı käsiporındardıñ önim men qızmet bağasın aldın ala köterip ülgergenin ayttı. Qazirdiñ özinde azıq-tülik 9,6%-ğa, qızmetter 15-16%-ğa qımbattağan.

Degenmen, ministr ükimettiñ qızmet körsetu salasındağı bağanıñ ösuin tejeuge küş salıp jatqanın atap ötti.