Qazaqstan Europa keñistigindegi qılmısqa qarsı ıntımaqtastıq jüyesine resmi türde qadam bastı. 2025 jılğı 18 mausımda Europa Keñesiniñ Ministrler Komiteti elimizdiñ qılmıstıq ister boyınşa qwqıqtıq kömek körsetu turalı Konvenciyağa qosılu ötinimin maqwldadı, dep habarlaydı Shalqar.kz.

Bwl bastamağa Qazaqstan Respublikasınıñ Bas prokuraturası jetekşilik etti. Endi elimiz 46 europalıq memleketpen qılmıstıq ister boyınşa birlesip jwmıs isteuge, däleldemeler almasuğa jäne şetelge zañsız şığarılğan aktivterdi qaytaruğa tolıqqandı mümkindik aladı.

«Mwnday şaqırtudı alu – Qazaqstannıñ qılmıstıq qwqıqtıq jüyesine, onıñ işinde zañ üstemdigine, adam qwqıqtarı men bostandıqtarınıñ saqtaluına europalıq qauımdastıq tarapınan senimniñ belgisi jäne qazaqstandıq prokurorlar men diplomattardıñ köpjıldıq qajırlı eñbeginiñ nätijesi bolıp tabıladı», – delingen Bas prokuraturanıñ habarlamasında.

Bwl qadam “Zañ men Tärtip” twjırımdamasına tolıq säykes keledi jäne elimizdiñ halıqaralıq qwqıqtıq seriktestigin jaña deñgeyge kötermek. Endi Qazaqstan ärbir elmen jeke şart jasamay-aq, barlıq taraptarmen qwqıqtıq kömek mehanizmin bir mezgilde iske qosa aladı.

Ayta keteyik, Qazaqstan bwl Konvenciyağa qosılu üşin 20 jıldan astam uaqıt boyı äreket etip kelgen. Bwrınğı ötinimder keybir Europa elderiniñ qarsılığına baylanıstı qabıldanbay kelgen edi. Osı jolı halıqaralıq qauımdastıq elimizdiñ reformaları men zañnamalıq jüyesine senim arttı.