1 шілдеден бастап қалада жүргізушінің әр қадамын бақылайтын жоғары технологиялы бақылау жүйесі іске қосылды. Жаңа камералар тек жол ережелерінің бұзылуын ғана емес, көлік жүргізу мәдениетін де бағалайды, деп хабарлайды Shalqar.kz.

Бұл жүйе жасанды интеллект пен нейрожелілерге сүйенеді. Енді камералар мынадай бұзушылықтарды анықтай алады:
 • Агрессивті және қауіпті жүргізу;
 • Жол ауыстырғанда сигнал қоспау;
 • Қарсы бағытпен жүру;
 • Кенет жылдамдық өзгерту;
 • Сақтандыру полисінің жоқтығы;
 • Жалған немесе жасырулы нөмірлер;
 • Айыппұлын төлемеген жүргізушілер.

Жүйе барлық деректі ҚР ІІМ бірыңғай базасына жібереді. Егер жүргізуші ережені жиі бұзса — автоматты түрде бақылауға алынады және полицияға хабарланады. Жол қозғалысы нақты уақытта бақыланады, камералар енді тек “қарап қоймай”, сараптай да алады.