1 شىلدەدەن باستاپ قالادا جۇرگىزۋشىنىڭ ار قادامىن باقىلايتىن جوعارى تەحنولوگييالى باقىلاۋ جۇيەسى ىسكە قوسىلدى. جاڭا كامەرالار تەك جول ەرەجەلەرىنىڭ بۇزىلۋىن عانا ەمەس, كولىك جۇرگىزۋ مادەنيەتىن دە باعالايدى, دەپ حابارلايدى Shalqar.kz.

بۇل جۇيە جاساندى ينتەللەكت پەن نەيروجەلىلەرگە سۇيەنەدى. ەندى كامەرالار مىناداي بۇزۋشىلىقتاردى انىقتاي الادى:
 • اگرەسسيۆتى جانە قاۋىپتى جۇرگىزۋ;
 • جول اۋىستىرعاندا سيگنال قوسپاۋ;
 • قارسى باعىتپەن جۇرۋ;
 • كەنەت جىلدامدىق وزگەرتۋ;
 • ساقتاندىرۋ پوليسىنىڭ جوقتىعى;
 • جالعان نەمەسە جاسىرۋلى نومىرلەر;
 • ايىپپۇلىن تولەمەگەن جۇرگىزۋشىلەر.

جۇيە بارلىق دەرەكتى قر ىىم بىرىڭعاي بازاسىنا جىبەرەدى. ەگەر جۇرگىزۋشى ەرەجەنى جيى بۇزسا — اۆتوماتتى تۇردە باقىلاۋعا الىنادى جانە پوليتسيياعا حابارلانادى. جول قوزعالىسى ناقتى ۋاقىتتا باقىلانادى, كامەرالار ەندى تەك “قاراپ قويماي”, ساراپتاي دا الادى.