ەلىمىزدە ۇيالى بايلانىس نومىرىن الۋ تارتىبى تۇبەگەيلى وزگەرەدى. ەندى SIM-كارتالار دۇكەندەردە ساتىلمايدى — تەك بايلانىس وپەراتورلارىنىڭ كەڭسەسىندە نەمەسە eGov پورتالى ارقىلى راسىمدەلەدى. بۇل وزگەرىستەر الى تالقىلاۋ ساتىسىندا, دەپ حابارلايدى Shalqar.kz.

تسيفرلىق دامۋ مينيسترلىگى دايىنداعان زاڭ جوباسىنا سايكەس, SIM-كارتا ساتىپ الۋ ۇشىن بيومەترييالىق سايكەستەندىرۋ قاجەت. سونىمەن قاتار, eGov پورتالى ارقىلى ونلاين نومىر تاڭداۋ مۇمكىندىگى قاراستىرىلىپ جاتىر.

مينيسترلىك وكىلى ولجاس كابەنوۆتىڭ ايتۋىنشا, بۇل وزگەرىستەر ازاماتتاردىڭ دەربەس دەرەكتەرىن قورعاۋعا جانە نارىقتى رەتتەۋگە باعىتتالعان.

ەگەر زاڭ قابىلدانسا, قازاقستاندىقتار قالاعان ۇيالى نومىرىن كەڭسەگە بارماي-اق ونلاين ساتىپ الا الادى.