كوكشەتاۋ قالاسىندا ەرەكشە قاجەتتىلىكتەرى بار جاندار ۇشىن زاماناۋي وڭالتۋ ورتالىعىنىڭ قۇرىلىسى جۇرىپ جاتىر. 150 ورىندىق كەشەن «AMANAT» پارتيياسى مەن پرەزيدەنت باستاماسى اياسىندا سالىنۋدا, دەپ حابارلايدى Shalqar.kz.

ورتالىق جىلىنا 1500-1800 ادامعا مەديتسينالىق جانە وڭالتۋ قىزمەتتەرىن ۇسىنۋعا قاۋقارلى. ول تاۋلىك بويى قىزمەت كورسەتىپ, بارلىق قاجەتتى جاعدايمەن جابدىقتالادى.

قۇرىلىس «سارىارقا» شاعىناۋدانىندا ورنالاسقان. اۋماعى – 12 مىڭ شارشى مەتردەن اسادى. بىراق جوبانى قايتا قاراۋ مەن قارجىلاندىرۋ قيىندىقتارىنا بايلانىستى ورتالىق تەك 2027 جىلى پايدالانۋعا بەرىلەدى.

«AMANAT» پارتيياسىنىڭ ايتۋىنشا, مۇنداي ورتالىقتار ەرەكشە جانداردىڭ ومىر ساپاسىن ارتتىرىپ, قوعامعا بەيىمدەلۋىنە ۇلكەن مۇمكىندىك بەرەدى. پارتييا جوبانىڭ كەشىگۋىنە كىنالىلەردى جاۋاپقا تارتۋدى تالاپ ەتۋدە.

سونىمەن قاتار, پارتييانىڭ «كەدەرگىسىز كەلەشەك» باعدارلاماسى اياسىندا وبلىستا 1000-نان استام نىسان جاڭارتىلىپ, تاعى 176 نىسان بەيىمدەلەدى. مەكتەپتەردە ينكليۋزيۆتى بىلىم, ينۆاتاكسي, تەگىن جول جۇرۋ مۇمكىندىگى دە قولعا الىنعان.