Ұлыбританияның беделді басылымы — The Guardian газеті Ақтауда өткен “Даламен үндес баба өнер” фестивалінде түсірілген әсерлі фотосуретті өз сайтына жариялады. Сурет “Күннің үздік фотосы” айдарында шыққан, деп хабарлайды Shalqar.kz Маңғыстау облысының әкімдігіне сілтеме жасап.

Бұл фото әлемнің түкпір-түкпірінен келіп түскен мыңдаған суреттің ішінен арнайы редакция алқасының іріктеуінен өтіп, үздіктер қатарынан табылған. Автор — түркиялық фотосуретші Элькин Эскипехливан.
Фестиваль аясында қолөнер шеберлері ұлттық мәдениетті паш етіп, жәрмеңке, көрме және шеберлік сағаттары ұйымдастырған болатын.

Мақсат – қазақтың дәстүрлі өнерін дәріптеп, болашақ ұрпаққа ұлттық құндылықтарды насихаттау.