Еліміздің Ішкі істер министрлігі туған сәттен бастап 14 жасқа дейінгі балаларды тұрғылықты мекенжайы бойынша тіркеуді қайта міндеттеуді жоспарлап отыр. Құжат жобасы қоғамдық талқылауға ұсынылды, деп хабарлайды Shalqar.kz.

Министрлік бұл қадамды халық санын нақты есептеу қажеттілігімен түсіндіреді. Қазір 14 жасқа дейінгі балалар тіркеуге жатпайды, бұл демографиялық мәліметтердің бұрмалануына әкелуде. Жаңа ережеге сай, балалар туған бойда тіркеледі, ал тіркеу үшін туу туралы куәлік немесе жеке куәлік (14 жастан кейін) ұсынылады.
Сондай-ақ “Азаматтарға арналған үкімет” қызметкерлеріне паспорт пен жеке куәлік беру құқығы беріледі.
Министрлік бұл өзгерістер ұлттық қауіпсіздікке кері әсер етпейді деп сендіріп отыр.