6 шілде күні Елорда тұрғындары мен қонақтары ерекше кештің куәсі болмақ. Астанадағы Ботаникалық бақ маңында мерекелік OPEN AIR концерті аяқталған соң, көк жүзінде көз тартар отшашу шоуы ұйымдастырылады. Шара сағат 23:00-де басталады деп күтілуде, деп хабарлайды Shalqar.kz.

Әкімдіктің мәліметінше, мерекелік салют Елорда күніне орай ұйымдастырылады және оның барлық шығыны демеушілер есебінен өтеледі. Кешкі концертте отандық эстрада жұлдыздары өнер көрсетеді. Бұл – музыка мен жарықтың керемет үндескен ерекше мерекелік кеші болмақ.

Еске салайық, Елорда күні — Астанада жыл сайын кең көлемде атап өтілетін ерекше мереке. Биыл қалада түрлі шоу, концерт, қойылымдар, спорттық жарыстар, көрмелер мен жәрмеңкелер ұйымдастырылады.