6 شىلدە كۇنى ەلوردا تۇرعىندارى مەن قوناقتارى ەرەكشە كەشتىڭ كۋاسى بولماق. استاناداعى بوتانيكالىق باق ماڭىندا مەرەكەلىك OPEN AIR كونتسەرتى اياقتالعان سوڭ, كوك جۇزىندە كوز تارتار وتشاشۋ شوۋى ۇيىمداستىرىلادى. شارا ساعات 23:00-دە باستالادى دەپ كۇتىلۋدە, دەپ حابارلايدى Shalqar.kz.

اكىمدىكتىڭ مالىمەتىنشە, مەرەكەلىك ساليۋت ەلوردا كۇنىنە وراي ۇيىمداستىرىلادى جانە ونىڭ بارلىق شىعىنى دەمەۋشىلەر ەسەبىنەن وتەلەدى. كەشكى كونتسەرتتە وتاندىق ەسترادا جۇلدىزدارى ونەر كورسەتەدى. بۇل – مۋزىكا مەن جارىقتىڭ كەرەمەت ۇندەسكەن ەرەكشە مەرەكەلىك كەشى بولماق.

ەسكە سالايىق, ەلوردا كۇنى — استانادا جىل سايىن كەڭ كولەمدە اتاپ وتىلەتىن ەرەكشە مەرەكە. بيىل قالادا تۇرلى شوۋ, كونتسەرت, قويىلىمدار, سپورتتىق جارىستار, كورمەلەر مەن جارمەڭكەلەر ۇيىمداستىرىلادى.