پەتروپاۆلدا ەلدەگى العاشقى مودۋلьدىك قۇتقارۋ ستانتسيياسى اشىلدى. بۇل باستاما توتەنشە جاعدايلار مينيسترلىگى تاراپىنان جۇزەگە اسىرىلىپ وتىر, دەپ حابارلايدى Shalqar.kz.

ستانتسييا ەسىل وزەنىنىڭ جاعاسىندا ورنالاسقان جانە تاۋلىك بويى جۇمىس ىستەۋگە بەيىمدەلگەن. مۇندا قۇتقارۋشىلار ۇشىن بارلىق جاعداي جاسالعان: جۇمىس ايماعى, دەمالىس بولمەسى, اس ۇي, قوسالقى بولمە. عيمارات ەنەرگييا ۇنەمدەيتىن ماتەريالداردان سالىنىپ, ەلەكترلىك جىلىتۋ جۇيەسىمەن جابدىقتالعان.
سۋ ايدىنىنا جەدەل جەتۋ ۇشىن ارنايى پيرس پەن باسپالداق ورناتىلعان. جاڭا ستانتسييا ەسىلدىڭ جاعالاۋىن, اۆتوموبيلь كوپىرى مەن سۋ ەلەكتر كەشەنىن باقىلايدى.
مينيستردىڭ ايتۋىنشا, بۇل — پيلوتتىق جوبا جانە بولاشاقتا وزگە ايماقتاردا دا ەنگىزىلۋى مۇمكىن. جىل باسىنان بەرى سقو قۇتقارۋشىلارى 1200-دەن استام رەت شاقىرتۋعا شىعىپ, 135 ادامدى قۇتقارىپ قالعان.