Ахмет Ясауи атындағы Халықаралық қазақ-түрік университетінің 40 үздік студенті Түркияға аттанып, жазғы мектеп бағдарламасына қатысады, деп хабарлайды Shalqar.kz ҚР Ғылым және жоғары білім министрлігіне сілтеме жасап.

Бұл – университет ұйымдастырып отырған дәстүрлі халықаралық жоба. Биылғы бағдарлама аясында студенттер Анкара, Ыстанбұл, Бурса, Чанаккале, Конья сынды оннан астам қалаға барып, білім және мәдениет саласына байланысты семинарларға қатысады.
Сонымен қатар, Болу, Мармара, Анкара университеттерінің жұмысымен танысады.
Университет ректоры Жанар Темірбекова бұл жоба студенттердің көкжиегін кеңейтетін үлкен мүмкіндік екенін атап өтті.
Айта кетейік, биыл – жазғы мектепке студенттерді үшінші рет жіберу. Бұған дейін 70 және 40 студент барған. Бұл жолы білімде үздік шыққан тағы 40 студент іріктеліп отыр.