قازاقستاندا ونلاين نەسيە راسىمدەۋگە قاتىستى ەرەجەلەر قاتاڭداتىلماق. قارجى نارىعىن رەتتەۋ جانە دامىتۋ اگەنتتىگى جاڭا قاۋلى جوباسىن ازىرلەپ, ونى كوپشىلىك تالقىسىنا ۇسىندى, دەپ حابارلايدى Shalqar.kz.

جوباعا سايكەس, ەگەر كەپىلسىز ونلاين نەسيە سوماسى 150 اەك-تەن (شامامەن 690 مىڭ تەڭگە) اسىپ كەتسە, اقشا كەلىسىمشارتقا قول قويىلعاننان كەيىن بىردەن ەمەس, 24 ساعاتتان كەيىن بەرىلەدى. قاراجات تەك eGov سيياقتى پلاتفورمالار ارقىلى كليەنت راستاۋ جاساعان سوڭ اۋدارىلادى.
سونداي-اق, «سۋىتۋ كەزەڭى» ەنگىزىلەدى. ەگەر ازامات بىر كۇن ىشىندە بىرنەشە نەسيە راسىمدەپ, جالپى سوما 150 اەك-تەن اسسا, بانك نەمەسە مقۇ قوسىمشا نەسيە بەرۋگە تىيىم سالادى.
ال ىرى نەسيە راسىمدەيتىندەر, سونداي-اق 21 جاسقا دەيىنگى جانە 55 جاستان اسقان ازاماتتار تەك بانككە نەمەسە مقۇ-عا كەلىپ, كەلىسىمگە جازباشا تۇردە قول قويۋى قاجەت.
سونىمەن بىرگە, بانكتىك ومبۋدسمەن بولعىسى كەلەتىندەر قازاق تىلىن B2 دەڭگەيىندە مەڭگەرگەنىن قازتەست ارقىلى دالەلدەۋگە تيىس.