Qıtayda ötken ŞIW halıqaralıq kinofestivalinde otandıq akter Baqıt Qajıbaev “Üzdik akter” atağına ie boldı. Bwl märtebeli marapat oğan “Nabat operaciyası” fil'mindegi bastı röli üşin berildi, dep habarlaydı Shalqar.kz.

6 şilde küni Çuncin qalasında ötken festival'diñ jabılu saltanatında qazaqstandıq kino öneri tağı bir biikke köterildi. Festival'de ŞIW elderi ärqaysısı eki tolıqmetrajdı fil'm wsınğan bolatın. “Altın kameliya” bayqau bağdarlamasına engen “Nabat operaciyası” – 1992 jılğı elimizde bolğan şınayı oqiğa negizinde tüsirilgen. Onda avtobustağı 30 adamdı kepilge alğan lañkesterge qarsı arnayı operaciya sätti ayaqtaladı.

Baqıt Qajıbaev bwl marapat tek öziniñ emes, bükil şığarmaşılıq wjımnıñ jeñisi ekenin aytıp, körermenderge alğıs bildirdi. Atalğan fil'm Mädeniet jäne aqparat ministrligi men Wlttıq kinonı qoldau ortalığınıñ qoldauımen “Qazaqfil'm” kinostudiyasında tüsirilgen.

Festival'ge wsınılğan tağı bir qazaqstandıq tuındı – Darhan Tölegenovtiñ “Ağayındılar” draması da nazar audarttı. Bwl fil'm bwğan deyin 15-ten astam halıqaralıq marapatqa ie bolğan, onıñ işinde Spirit of Cinema Award jüldesi de bar.