قازاقستاندا الەمدىك دەڭگەيدەگى Alemcloud ۇلتتىق سۋپەركومپьيۋتەر ورتالىعى رەسمي تۇردە ىسكە قوسىلدى. سالتاناتتى راسىمگە مەملەكەت باسشىسى قاسىم-جومارت توقاەۆ قاتىستى. بۇل جوبادا جاڭا بۋىنداعى NVIDIA H200 گرافيكالىق پروتسەسسورلار قولدانىلعان, دەپ حابارلايدى Shalqar.kz اقورداعا سىلتەمە جاساپ.

تسيفرلىق دامۋ مينيسترلىگى مەن حالىقارالىق سەرىكتەستەر بىرلەسىپ ىسكە قوسقان داتا-ورتالىق ورتالىق ازييا بويىنشا ەسەپتەۋ قۋاتى جاعىنان ەڭ قۋاتتى جۇيە سانالادى – سۋپەركومپьيۋتەر FP8 فورماتىندا 2 ەكزافلوپسقا دەيىنگى جىلدامدىقپەن ەسەپتەي الادى. پرەزيدەنت بۇل باستامانىڭ ەلىمىزدىڭ بارلىق نەگىزگى سالالارىن تسيفرلاندىرۋعا سەرپىن بەرەتىنىن اتاپ وتتى.

جاڭا سۋپەركومپьيۋتەردى ستارتاپتار, عىلىمي ورتالىقتار, ۋنيۆەرسيتەتتەر مەن مەملەكەتتىك مەكەمەلەر پايدالانا الادى. مۇندا جاساندى ينتەللەكتكە ارنالعان ىرى جوبالار تانىستىرىلدى:
 • SmartCity Astana – جاساندى ينتەللەكت نەگىزىندە 100 مىڭنان استام بەينەكامەرا ورناتىلىپ, ەلوردانىڭ تسيفرلىق نۇسقاسى جاسالادى.
 • AlemLLM – قازاق تىلىنە بەيىمدەلگەن جوعارى دالدىكتەگى ىرى تىلدىك مودەلь.
 • AI Kitap – ار وقۋشىعا جەكە بىلىم بەرۋ پلاتفورماسى.
 • Baspana Hub – ۇي ىزدەۋدەن باستاپ جوندەۋ جۇمىستارىنا دەيىنگى قىزمەتتەردى بىرىكتىرەتىنلل تسيفرلىق تۇرعىن ۇي پلاتفورماسى.