Қазақстандықтар Ұлттық электронды кітапхана қызметін белсенді қолдана бастады. 2025 жылдың алғашқы жартысында Kazneb.kz порталының пайдаланушылары 44%-ға артты, деп хабарлайды Shalqar.kz.

Контент қаралымы 4 миллионнан асып, құжат жүктеу саны 1,6 миллионға жетті. Электронды база 2 758 жаңа құжатпен толықты. Жалпы қорда 81 357 құжат сақтаулы, олар 64 тілде қолжетімді.

Министрлік мәліметінше, кез келген адам авторизациясыз-ақ порталға кіріп, құжаттармен еркін таныса алады. Kazneb порталына 110 елден қолданушылар кіріп отыр. Қазақстаннан бөлек, Ресей, АҚШ, Германия, Өзбекстан, Нидерланды сияқты елдер алдыңғы қатарда. Портал көзі нашар көретіндер үшін де қолжетімді.