Қазақстандық әнші Димаш Құдайбергеннің 75-тен астам әні Аргентина радиостанцияларының ротациясына енгізілді. Әндер мамырдан бері тұрақты эфирде орындалып жатыр, деп хабарлайды Shalqar.kz.

SOS, Stranger, Golden секілді танымал тректер Libertad Digital, Radio Vox, Radio Ibiza сияқты ірі радиолар арқылы тыңдарманға жол тартуда. Бұл бастама «Dimash on the Radio» атты жанкүйерлер акциясының нәтижесі болды.

Adagio дуэтінен кейін радиожүргізушілер Димаш пен Лара Фабианның өнерін мифтік бейнеге теңеп, ерекше пікір білдірді. Аргентиналық тыңдармандар қазақстандық өнер иесіне зор ықылас танытуда.