Түркістан облысының диқандары Абай облысына 540 тоннадан астам өнім жөнелтті. Керуен Семейде өтетін ауыл шаруашылығы жәрмеңкесіне қатыспақ, деп хабарлайды Shalqar.kz облыс әкімдігінің баспасөз қызметіне сілтеме жасап.

Картоп, бақша өнімдері, сүт, балық, бал, шырын, шұжық және тағы басқа өнімдер жолға шықты. Бұл жәрмеңке Абай Құнанбайұлының 180 жылдығына арналған іс-шара аясында өтеді. Түркістан өңірінің делегациясы тауарларын базар бағасынан төмен сатпақ.

Жәрмеңке аясында «Түркістан облысының мәдени күндері» атты концерттік бағдарлама ұйымдастырылады. Сонымен қатар, облыс республикадағы ауыл шаруашылығы өнімінің 14,2%-ын құрап отыр.