تۇركىستان وبلىسىنىڭ ديقاندارى اباي وبلىسىنا 540 توننادان استام ونىم جونەلتتى. كەرۋەن سەمەيدە وتەتىن اۋىل شارۋاشىلىعى جارمەڭكەسىنە قاتىسپاق, دەپ حابارلايدى Shalqar.kz وبلىس اكىمدىگىنىڭ باسپاسوز قىزمەتىنە سىلتەمە جاساپ.

كارتوپ, باقشا ونىمدەرى, سۇت, بالىق, بال, شىرىن, شۇجىق جانە تاعى باسقا ونىمدەر جولعا شىقتى. بۇل جارمەڭكە اباي قۇنانبايۇلىنىڭ 180 جىلدىعىنا ارنالعان ىس-شارا اياسىندا وتەدى. تۇركىستان وڭىرىنىڭ دەلەگاتسيياسى تاۋارلارىن بازار باعاسىنان تومەن ساتپاق.

جارمەڭكە اياسىندا «تۇركىستان وبلىسىنىڭ مادەني كۇندەرى» اتتى كونتسەرتتىك باعدارلاما ۇيىمداستىرىلادى. سونىمەن قاتار, وبلىس رەسپۋبليكاداعى اۋىل شارۋاشىلىعى ونىمىنىڭ 14,2%-ىن قۇراپ وتىر.