قازاقستاندا سالىنىپ جاتقان ۇشىنشى اتوم ەلەكتر ستانتسيياسىنىڭ قۇرىلىسىن قىتاي كومپانيياسى جۇزەگە اسىرادى. بۇل تۋرالى پرەمьەر-مينيستردىڭ ورىنباسارى رومان سكليار مالىمدەدى, دەپ حابارلايدى Shalqar.kz.

سكلياردىڭ ايتۋىنشا, ستانتسييانىڭ ناقتى قۇنى جوبالىق-سمەتالىق قۇجاتتاما مەن تەحنيكالىق-ەكونوميكالىق نەگىزدەمە دايىن بولعان سوڭ بەلگىلى بولادى. ازىرگە ناقتى باعا نەمەسە كەلىسىمنىڭ ەگجەي-تەگجەيى جارييالانباي وتىر, ويتكەنى بۇل ماسەلە رەسەيلىك تاراپپەن الى تالقىلانۋ ۇستىندە. كەيىن كەلىسىم پارلامەنتتە راتيفيكاتسييادان وتىپ, زاڭدى كۇشىنە ەنەدى.

رومان سكليار ۇشىنشى اەس-تى دە ەكىنشى ستانتسييا سيياقتى قىتاي كومپانيياسى سالاتىنىن ناقتىلادى. بىراق نىساننىڭ ناقتى قاي وڭىردە بوي كوتەرەتىنى الى ايتىلعان جوق. “اتوم ەنەرگەتيكاسى اگەنتتىگى” ورنالاساتىن اۋماقتى انىقتاۋ جۇمىستارىن جۇرگىزىپ جاتىر. بولاشاق ستانتسييا ۇشىن سۋ كوزى مەن قۋاتتى تاراتاتىن ينفراقۇرىلىم وتە ماڭىزدى. ونىڭ ايتۋىنشا, 2025 جىلدىڭ سوڭىنا دەيىن جاڭا اەس-تىڭ قايدا سالىناتىنى رەسمي تۇردە حابارلانادى.