Qazaqstanda salınıp jatqan üşinşi atom elektr stanciyasınıñ qwrılısın Qıtay kompaniyası jüzege asıradı. Bwl turalı prem'er-ministrdiñ orınbasarı Roman Sklyar mälimdedi, dep habarlaydı Shalqar.kz.

Sklyardıñ aytuınşa, stanciyanıñ naqtı qwnı jobalıq-smetalıq qwjattama men tehnikalıq-ekonomikalıq negizdeme dayın bolğan soñ belgili boladı. Äzirge naqtı bağa nemese kelisimniñ egjey-tegjeyi jariyalanbay otır, öytkeni bwl mäsele reseylik tarappen äli talqılanu üstinde. Keyin kelisim parlamentte ratifikaciyadan ötip, zañdı küşine enedi.

Roman Sklyar üşinşi AES-ti de ekinşi stanciya siyaqtı Qıtay kompaniyası salatının naqtıladı. Biraq nısannıñ naqtı qay öñirde boy köteretini äli aytılğan joq. “Atom energetikası agenttigi” ornalasatın aumaqtı anıqtau jwmıstarın jürgizip jatır. Bolaşaq stanciya üşin su közi men quattı taratatın infraqwrılım öte mañızdı. Onıñ aytuınşa, 2025 jıldıñ soñına deyin jaña AES-tiñ qayda salınatını resmi türde habarlanadı.