Елімізде шетелдік жұмыс күшін тарту ережелеріне бірқатар өзгерістер енгізіледі. Қазіргі уақытта Еңбек және халықты әлеуметтік қорғау министрлігі арнайы бұйрық жобасын әзірледі, деп хабарлайды Shalqar.kz.

Жоба Қазақстанның жаңа Салық кодексін іске асыру мақсатында дайындалып отыр. Құжатта шетелдік жұмыс күшін тарту процесін реттейтін әкімшілік нормаларды жаңарту, сондай-ақ әкімшілік деректерді беру қағидаларын сәйкестендіру қарастырылған.

Бұйрық жобасы 2025 жылдың 13 тамызына дейін “Ашық НҚА” порталында қоғамдық талқылауға ұсынылды.

Еске салсақ, бұған дейін елімізге шетелдік жұмыс күшін тартуға 16,5 мың квота бөлінген болатын.