Америкалық поп-дива Дженнифер Лопес Астанадағы “Астана Аренада” өткен жеке концертімен мыңдаған жанкүйердің жүрегін жаулап алды. Ол 2 сағат бойы үздік хиттерін орындап, көрермендермен керемет энергия алмасып тұрды, деп хабарлайды Shalqar.kz.

Лопес бірнеше рет образын ауыстырып, кәсіби шоу көрсетті. Сахнадан көрермендерге жиі алғысын білдіріп, оларды жақсы көретінін айтып отырды. Кеш соңында жұлдыз тыңдармандармен суретке түсіп, жылы лебізін жеткізді.

Концерт аяқталған соң елорда тұрғындары стадионды тазалап, экологиялық бастама көрсетті. “Тазабек” кейіпкері де бұл игі шараға атсалысты.

Айта кетейік, “Астана Концерт” компаниясының өкілі Джей Ло концерті ел экономикасына оң әсер еткенін мәлімдеді. Кешке 29 елден көрермендер келген.