اقش پرەزيدەنتى دونالьد ترامپ ونداعان مەملەكەتكە قاتىستى جاڭا كەدەندىك باج سالىعىن ەنگىزۋ تۋرالى جارلىققا قول قويدى. بۇل ەلدەر قاتارىندا قازاقستان دا بار. جارلىققا سايكەس, ەلىمىزدەن كەلەتىن تاۋارلارعا 25% كولەمىندە باج سالىعى سالىنباق, دەپ حابارلايدى Shalqar.kz.

اقش ۇكىمەتى جارييالاعان تىزىمگە بارلىعى 69 ەل مەن اۋماق, سونىمەن قاتار ەۋرووداق ەلدەرى ەنگىزىلگەن. بۇل شەشىم ترامپتىڭ جاڭا ساۋدا شارتتارىن جاساسۋعا قويعان سوڭعى مەرزىمىمەن بايلانىستى. قازاقستانمەن قاتار, ەڭ جوعارى باج سالىعى سيرييا (41%), لاوس جانە مьيانما (40%) ەلدەرىنە بەلگىلەنگەن.

ايتا كەتەيىك, كاناداعا قاتىستى باج سالىعى 25%-دان 35%-عا دەيىن كوتەرىلدى. الايدا بۇل سالىقتار USMCA كەلىسىمىنە كىرەتىن ونىمدەرگە اسەر ەتپەيدى. سونىمەن بىرگە, تاۋاردى ۇشىنشى ەل ارقىلى اقش-قا تاسىمالداپ, باج سالىعىنان جالتارۋعا ارەكەت ەتۋ جاعدايلارى ۇشىن دە جەكە باپ قاراستىرىلعان – مۇنداي جاعدايدا 40% كولەمىندە جازالاۋ سالىعى قولدانىلادى.

ەسكە سالساق, بۇعان دەيىن ترامپ قازاقستان پرەزيدەنتى قاسىم-جومارت توقاەۆقا ارنايى حات جولداپ, ەلىمىزدەن اكەلىنەتىن بارلىق تاۋارلارعا 25% باج سالىعى ەنگىزىلەتىنىن حابارلاعان ەدى.