AQŞ prezidenti Donal'd Tramp ondağan memleketke qatıstı jaña kedendik baj salığın engizu turalı jarlıqqa qol qoydı. Bwl elder qatarında Qazaqstan da bar. Jarlıqqa säykes, elimizden keletin tauarlarğa 25% köleminde baj salığı salınbaq, dep habarlaydı Shalqar.kz.

AQŞ ükimeti jariyalağan tizimge barlığı 69 el men aumaq, sonımen qatar Euroodaq elderi engizilgen. Bwl şeşim Tramptıñ jaña sauda şarttarın jasasuğa qoyğan soñğı merzimimen baylanıstı. Qazaqstanmen qatar, eñ joğarı baj salığı Siriya (41%), Laos jäne M'yanma (40%) elderine belgilengen.

Ayta keteyik, Kanadağa qatıstı baj salığı 25%-dan 35%-ğa deyin köterildi. Alayda bwl salıqtar USMCA kelisimine kiretin önimderge äser etpeydi. Sonımen birge, tauardı üşinşi el arqılı AQŞ-qa tasımaldap, baj salığınan jaltaruğa äreket etu jağdayları üşin de jeke bap qarastırılğan – mwnday jağdayda 40% köleminde jazalau salığı qoldanıladı.

Eske salsaq, bwğan deyin Tramp Qazaqstan Prezidenti Qasım-Jomart Toqaevqa arnayı hat joldap, elimizden äkelinetin barlıq tauarlarğa 25% baj salığı engiziletinin habarlağan edi.