ەلىمىزدە شەتەلدىك جۇمىس كۇشىن تارتۋ ەرەجەلەرىنە بىرقاتار وزگەرىستەر ەنگىزىلەدى. قازىرگى ۋاقىتتا ەڭبەك جانە حالىقتى الەۋمەتتىك قورعاۋ مينيسترلىگى ارنايى بۇيرىق جوباسىن ازىرلەدى, دەپ حابارلايدى Shalqar.kz.

جوبا قازاقستاننىڭ جاڭا سالىق كودەكسىن ىسكە اسىرۋ ماقساتىندا دايىندالىپ وتىر. قۇجاتتا شەتەلدىك جۇمىس كۇشىن تارتۋ پروتسەسىن رەتتەيتىن اكىمشىلىك نورمالاردى جاڭارتۋ, سونداي-اق اكىمشىلىك دەرەكتەردى بەرۋ قاعيدالارىن سايكەستەندىرۋ قاراستىرىلعان.

بۇيرىق جوباسى 2025 جىلدىڭ 13 تامىزىنا دەيىن “اشىق نقا” پورتالىندا قوعامدىق تالقىلاۋعا ۇسىنىلدى.

ەسكە سالساق, بۇعان دەيىن ەلىمىزگە شەتەلدىك جۇمىس كۇشىن تارتۋعا 16,5 مىڭ كۆوتا بولىنگەن بولاتىن.