Қаратал ауданында отбасылық құндылықтарды насихаттайтын «Мерейлі отбасы-2025» байқауының марапаттау рәсімі өтті. Жыл сайынғы шарада үздік отбасылар марапатталып, облыстық кезеңге жолдама алды, деп хабарлайды Shalqar.kz.

38 отбасы қатысқан байқауда теміржолшылар әулеті – Биболовтар бас жүлдені иеленді. І орынды – мәдениет қызметкерлері Абылхановтар, ІІ орынды – білім саласындағы Өмірәлиевтер, ал ІІІ орынды өнерлі Телгараевтер отбасы жеңіп алды.

Белсенділігімен ерекшеленген Нүсіпқожановтар отбасы аудан әкімінің Алғыс хатымен марапатталды. Шара соңы концерттік бағдарламамен жалғасты. Бұл байқау елдегі үлгілі отбасыларды насихаттауда маңызды рөл атқарып келеді.