قازاقستان ۇكىمەتى 2025–2029 جىلدارعا ارنالعان “ماڭعىستاۋ” تۋريستىك ايماعىن دامىتۋ جوسپارىن بەكىتتى. جوبا اياسىندا 100-دەن اسا ناقتى ىس-شارا جوسپارلانىپ وتىر, دەپ حابارلايدى Shalqar.kz.

قۇجات پرەمьەر-مينيستر ولجاس بەكتەنوۆتىڭ قولىمەن بەكىتىلىپ, پرەزيدەنت قاسىم-جومارت توقاەۆتىڭ وڭىر تۋريزمىن دامىتۋ جونىندەگى تاپسىرمالارىن ورىنداۋعا باعىتتالعان.

جوسپار 9 نەگىزگى باعىت بويىنشا جۇزەگە اسىرىلادى. ولاردىڭ قاتارىندا ينفراقۇرىلىمدى دامىتۋ, لوگيستيكا, تسيفرلاندىرۋ, قاۋىپسىزدىك, كادر دايىنداۋ, ينۆەستيتسييا تارتۋ سەكىلدى ماڭىزدى ماسەلەلەر قامتىلعان.

ايرىقشا كوڭىل كەندىرلى كۋرورتىنا بولىنىپ وتىر. مۇندا جولدار جوندەلىپ, جاڭا اۋەجاي سالىنادى. سونداي-اق ەلەكتر, سۋ, كولىك قاتىناسى ماسەلەلەرى شەشىمىن تابادى.

اقتاۋدا حالىقارالىق ستاديون مەن تەڭىز ۆوكزالى دا سالىنباق. تۋريستەر لەگىن كوبەيتۋ ۇشىن مادەني-سپورتتىق شارالار ۇيىمداستىرىلىپ, شاعىن جانە ورتا بيزنەسكە قولداۋ كورسەتىلەدى.

كۇتىلەتىن ناتيجە – ىشكى تۋريستەر سانى 520 مىڭعا دەيىن, شەتەلدىك تۋريستەر – 143 مىڭعا دەيىن ارتپاق. تۋريزم سالاسىنداعى جۇمىس ورىندارى 2,7 مىڭ ادامعا جەتەدى.