2025–2026 oqu jılına arnalğan memlekettik bilim granttarınıñ iegerleri anıqtaldı. Bwl turalı Ğılım jäne joğarı bilim ministrligi resmi mälimdedi, dep habarlaydı Shalqar.kz.

Prezident Qasım-Jomart Toqaevtıñ tapsırmasına säykes, biılğı granttardıñ 60%-ı injenerlik jäne tehnikalıq bağıttarğa bölindi. YAğni, elimizde bolaşaq injenerler men tehnologiya salasınıñ mamandarına erekşe män berilip otır. Granttar konkurs arqılı tağayındalıp, 99%-ı igerildi.

«Serpin» bağdarlaması ayasında oñtüstikten kelgen jastarğa erekşe mümkindik berildi. 2 mıñnan astam talapker elimizdiñ soltüstik, şığıs jäne ortalıq aymaqtarındağı üzdik JOO-larğa oquğa tüsedi.

«AMANAT» partiyasınıñ saylaualdı bağdarlamasın jüzege asıru maqsatında biıl 77 mıñnan astam grant bölindi. Oğan qosa, älemdik deñgeydegi universitettermen seriktestik ornatqan otandıq 20-ğa juıq joğarı oqu ornı talapkerlerdi qabılday bastadı. Bwl qadam Qazaqstandı öñirlik bilim habına aynaldıruğa bağıttalğan.

Biılğı grant konkursına 113 mıñğa juıq ötiniş kelip tüsken. Bwl ötken jılmen salıstırğanda 9 mıñğa köp. Sonday-aq äleumettik osal toptar üşin zañnamada bekitilgen kvota jüyesi saqtalğan.

Darındı jastar üşin halıqaralıq olimpiadalar men sport jarıstarınıñ jeñimpazdarına konkurssız grant beru de qarastırılğan. Sonımen birge, bilimge qoljetimdilikti arttıru üşin qosımşa bağdarlamalar iske qosıldı.

Atap aytqanda, biıldan bastap «Keleşek» birıñğay jinaqtau jüyesi engizildi. Bwl jüye arqılı 5 jasar balağa esepşot aşıp, bolaşaq bilim aluğa kapital jinauğa boladı. Sonımen qatar, 2024 jılı alğaş ret saralanğan granttar engizildi. Onıñ ayasında memleket şığınnıñ bir böligin ğana töleydi, al qalğanın jeñildetilgen nesie nemese jeke qarajatpen jabuğa boladı. 2025 jılı mwnday grant sanı 300-ge jetpek.

Alğaş ret merzimdi äskeri qızmette jürgen azamattar üşin de 2010 grant bölindi. Bwl şara äskerden keyin olardıñ beyimdeluin jeñildetip, joğarı bilim aluğa mümkindik beredi.

Grant iegerleri turalı tolıq aqparattı mına siltemelerden biluge boladı:

📎 https://www.gov.kz/memleket/entities/sci?lang=kk

📎 https://t.me/gylym_jogary_bilim

📎 https://t.me/SayasatNurbek

📎 https://www.testcenter.kz

Grant turalı kuälik 3 jwmıs küni işinde https://grant.testcenter.kz saytında qoljetimdi boladı. Joğarı oqu orındarına qwjat tapsıru 25 tamızğa deyin jürgiziledi.