قازاقستاندا كاسىبي سالا ماماندارىنا ارنالعان جاڭا بەس مەرەكە رەسمي تۇردە كۇنتىزبەگە ەندى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى حابارلادى, دەپ حابارلايدى Shalqar.kz.

مينيستر بۇيرىعىمەن بەكىتىلگەن وزگەرىستەرگە سايكەس, ەلىمىزدە ەندى 74 كاسىبي مەرەكە بولادى. جاڭادان ەنگىزىلگەندەر قاتارىندا:

 • قازاقستاننىڭ قولونەرشىلەر كۇنى – 7 شىلدە,

 • تابيعي مونوپولييا قىزمەتكەرلەرىنىڭ كۇنى – 9 شىلدە,

 • سانيتارلىق-ەپيدەميولوگييالىق قىزمەت قىزمەتكەرلەرى كۇنى – 15 قىركۇيەك,

 • قوعامدىق تاماقتاندىرۋ سالاسىنىڭ قىزمەتكەرلەرى كۇنى – 20 قازان,

 • قازاقستاننىڭ كاسىپكەرلەر كۇنى – 29 قازان.

سونداي-اق, وزگەرىستەرگە سايكەس ەنەرگەتيكتەر كۇنى قايتادان بۇرىنعى كۇنى — 22 جەلتوقساندا اتالىپ وتەتىن بولدى. بۇعان دەيىن بۇل مەرەكە جەلتوقساننىڭ ۇشىنشى جەكسەنبىسىندە تويلاناتىن ەدى.

ايتا كەتەيىك, ەلىمىزدەگى مەرەكەلەر ۇلتتىق, مەملەكەتتىك, كاسىبي جانە وزگە دە بولىپ بولىنەدى. ۇلتتىق جانە مەملەكەتتىك مەرەكەلەر رەسمي دەڭگەيدە اتاپ وتىلىپ, دەمالىس كۇنى بولىپ بەلگىلەنەدى. ال كاسىبي مەرەكەلەردە بۇل قاراستىرىلماعانىمەن, ار سالا وز ماماندارىن قۇرمەتتەپ, كاسىبي جەتىستىكتەرىن اتاپ وتەدى.