Qazaqstanda käsibi sala mamandarına arnalğan jaña bes mereke resmi türde küntizbege endi. Bwl turalı Eñbek jäne halıqtı äleumettik qorğau ministrligi habarladı, dep habarlaydı Shalqar.kz.

Ministr bwyrığımen bekitilgen özgeristerge säykes, elimizde endi 74 käsibi mereke boladı. Jañadan engizilgender qatarında:

 • Qazaqstannıñ qolönerşiler küni – 7 şilde,

 • Tabiği monopoliya qızmetkerleriniñ küni – 9 şilde,

 • Sanitarlıq-epidemiologiyalıq qızmet qızmetkerleri küni – 15 qırküyek,

 • Qoğamdıq tamaqtandıru salasınıñ qızmetkerleri küni – 20 qazan,

 • Qazaqstannıñ käsipkerler küni – 29 qazan.

Sonday-aq, özgeristerge säykes Energetikter küni qaytadan bwrınğı küni — 22 jeltoqsanda atalıp ötetin boldı. Bwğan deyin bwl mereke jeltoqsannıñ üşinşi jeksenbisinde toylanatın edi.

Ayta keteyik, elimizdegi merekeler wlttıq, memlekettik, käsibi jäne özge de bolıp bölinedi. Wlttıq jäne memlekettik merekeler resmi deñgeyde atap ötilip, demalıs küni bolıp belgilenedi. Al käsibi merekelerde bwl qarastırılmağanımen, är sala öz mamandarın qwrmettep, käsibi jetistikterin atap ötedi.