2026 jılı Qazaqstanda kommunaldıq qızmet tarifteri 20-30% aralığında ösedi dep kütilude. Bwl turalı Tabiği monopoliyalardı retteu komitetiniñ törağası Timur Qosımbaev mälimdedi. Onıñ aytuınşa, ösim kürt bolmaydı, al eñ bastısı – äleumettik älsiz toptardı qoldaudıñ naqtı tetikteri qarastırılğan, dep habarlaydı Shalqar.kz.

Wlttıq jobalar ayasında tarifterge salmaqtı azaytu üşin subsidiyalau jüyesi engiziledi. YAğni, qızmet körsetu wyımdarınıñ nesie şığındarı men negizgi qarızdar tarifke birtindep qosıladı. Osı kezde respublikalıq byudjet esebinen payızdıq mölşerlemeniñ bir böligine ötemaqı beriledi – naqtıraq aytqanda, sıyaqınıñ 10%-ı ğana twtınuşığa jükteledi, qalğanın memleket öteydi.

“Qazir bir bölmeli päterdiñ ortaşa kommunaldıq tölemi şamamen 25 mıñ teñgeni qwraydı. Kelesi jılı bwl soma 28-30 mıñ teñgege deyin ösui mümkin”, – dedi Qosımbaev Ükimet brifinginde. Onıñ aytuınşa, eki bölmeli päter ieleri 5–7 mıñ teñgege artıq töleui ıqtimal.

Alayda memleket bwl özgeristerge qarsı twru üşin birqatar qoldau mehanizmin wsınıp otır. Atap aytqanda, az qamtılğan otbasılar men zeynetkerlerge arnalğan twrğın üy kömegi jalğasadı. Twtınuşı arnayı ötiniş bergen jağdayda kommunaldıq tölemderdiñ bir böligi memleket tarapınan öteledi.

Esteriñizge sala keteyik, bwrın jariyalanğan mälimetke säykes, eger kommunaldıq tölemder otbasınıñ tabısınıñ 5%-ınan asıp ketse, artıq somanı äkimdik öteydi. Bwl – äleumettik teñdikti saqtau maqsatındağı mañızdı qadam.