Финляндия астанасы Хельсинкиде өткен «World Dog Show 2025» халықаралық көрмесінде қазақтың тазысы тұңғыш рет әлемдік аренада ресми түрде таныстырылып, жүлделі орындарға ие болды. Бұл – ұлттық ит тұқымымыздың тарихындағы үлкен жетістік, деп хабарлайды Shalqar.kz.

Қазақстан делегациясы қатаң іріктеуден өткен және халықаралық талаптарға сай дайындалған 8 тазыны апарды. 25 мыңнан астам үздік ит қатысқан ауқымды шарада қазақ тазысы FCI ұйымында дербес тұқым ретінде алғаш рет көрсетілді.

Осы қуанышты жаңалыққа орай Президент Қасым-Жомарт Тоқаев Қазақстан кинологтер одағына құттықтау жеделхатын жолдады. Мемлекет басшысы тазының халықаралық деңгейде танылуы – ұлттық мақтаныш екенін атап өтті.