فينلياندييا استاناسى حەلьسينكيدە وتكەن «World Dog Show 2025» حالىقارالىق كورمەسىندە قازاقتىڭ تازىسى تۇڭعىش رەت الەمدىك ارەنادا رەسمي تۇردە تانىستىرىلىپ, جۇلدەلى ورىندارعا يە بولدى. بۇل – ۇلتتىق يت تۇقىمىمىزدىڭ تاريحىنداعى ۇلكەن جەتىستىك, دەپ حابارلايدى Shalqar.kz.

قازاقستان دەلەگاتسيياسى قاتاڭ ىرىكتەۋدەن وتكەن جانە حالىقارالىق تالاپتارعا ساي دايىندالعان 8 تازىنى اپاردى. 25 مىڭنان استام ۇزدىك يت قاتىسقان اۋقىمدى شارادا قازاق تازىسى FCI ۇيىمىندا دەربەس تۇقىم رەتىندە العاش رەت كورسەتىلدى.

وسى قۋانىشتى جاڭالىققا وراي پرەزيدەنت قاسىم-جومارت توقاەۆ قازاقستان كينولوگتەر وداعىنا قۇتتىقتاۋ جەدەلحاتىن جولدادى. مەملەكەت باسشىسى تازىنىڭ حالىقارالىق دەڭگەيدە تانىلۋى – ۇلتتىق ماقتانىش ەكەنىن اتاپ وتتى.