ەلىمىزدە جەرگىلىكتى اتقارۋشى ورگاندار تاراپىنان كونكۋرستىق نەگىزدە مەملەكەتتىك بىلىم بەرۋ گرانتىنا وتىنىش قابىلداۋ باستالدى. بۇل مۇمكىندىك جوعارى وقۋ ورنىنا تۇسە الماعان تالاپكەرلەر ۇشىن قوسىمشا جول اشادى, دەپ حابارلايدى Shalqar.kz.

عىلىم جانە جوعارى بىلىم مينيسترلىگىنىڭ مالىمەتىنشە, اكىمدىكتەر جىل سايىن باسىم ماماندىقتار بويىنشا نىسانالى دايارلىققا گرانتتار بولەدى. بيىل بارلىعى 1 729 گرانت قاراستىرىلعان. ەڭ كوپ گرانتتى ەلوردا اكىمدىگى بولىپ وتىر — 526 ورىن. ودان كەيىن شىعىس قازاقستان وبلىسى — 299 گرانت, شىمكەنت قالاسى — 285, اتىراۋ — 265, جامبىل وبلىسى — 215, اباي وبلىسى — 200, تۇركىستان — 180, باتىس قازاقستان — 128, ماڭعىستاۋ — 108, قالعان ايماقتار 100-دەن از گرانت بولگەن.

گرانتقا ۇمىتكەرلەر جوعارى وقۋ ورىندارىنىڭ قابىلداۋ كوميسسيياسىنا وتىنىشپەن بىرگە بىلىم تۋرالى قۇجات, ۇبت سەرتيفيكاتى, جەكە كۋالىك كوشىرمەسى جانە جەڭىلدىك ساناتىن راستايتىن قۇجاتتارىن (بار بولسا) تاپسىرۋى تيىس. قۇجات قابىلداۋ مەرزىمى تۋرالى تولىق اقپاراتتى اكىمدىكتەردەن نەمەسە جوو قابىلداۋ كوميسسييالارىنان بىلۋگە بولادى. گرانت يەگەرلەرىن ارنايى كوميسسييا انىقتايدى, ال ستۋدەنتتەردى قابىلداۋ 25 تامىزدا اياقتالادى.