Elimizde jergilikti atqaruşı organdar tarapınan konkurstıq negizde memlekettik bilim beru grantına ötiniş qabıldau bastaldı. Bwl mümkindik joğarı oqu ornına tüse almağan talapkerler üşin qosımşa jol aşadı, dep habarlaydı Shalqar.kz.

Ğılım jäne joğarı bilim ministrliginiñ mälimetinşe, äkimdikter jıl sayın basım mamandıqtar boyınşa nısanalı dayarlıqqa granttar böledi. Biıl barlığı 1 729 grant qarastırılğan. Eñ köp granttı elorda äkimdigi bölip otır — 526 orın. Odan keyin Şığıs Qazaqstan oblısı — 299 grant, Şımkent qalası — 285, Atırau — 265, Jambıl oblısı — 215, Abay oblısı — 200, Türkistan — 180, Batıs Qazaqstan — 128, Mañğıstau — 108, qalğan aymaqtar 100-den az grant bölgen.

Grantqa ümitkerler joğarı oqu orındarınıñ qabıldau komissiyasına ötinişpen birge bilim turalı qwjat, WBT sertifikatı, jeke kuälik köşirmesi jäne jeñildik sanatın rastaytın qwjattarın (bar bolsa) tapsıruı tiis. Qwjat qabıldau merzimi turalı tolıq aqparattı äkimdikterden nemese JOO qabıldau komissiyalarınan biluge boladı. Grant iegerlerin arnayı komissiya anıqtaydı, al studentterdi qabıldau 25 tamızda ayaqtaladı.