پرەزيدەنت قاسىم-جومارت توقاەۆ جاساندى ينتەللەكتىنى دامىتۋ ماسەلەلەرى جونىندەگى كەڭەستە كيبەرقاۋىپسىزدىك پەن دەرەكتەردى قورعاۋ ماسەلەسىن كوتەرىپ, ىسكەرلىك جانە قىزمەتتىك بايلانىستى وتاندىق مەسسەندجەرگە كوشىرۋدى ۇسىندى, دەپ حابارلايدى Shalqar.kz.

مەملەكەت باسشىسى نەيروجەلىلەردىڭ دامۋىمەن جاڭا قاۋىپتەر پايدا بولعانىن, ونىڭ ىشىندە ادامنىڭ داۋىسىن, بەينەسىن جانە مىنەز-قۇلقىن اينىتپاي جاساۋ مۇمكىندىگى ازاماتتاردىڭ جەكە دەرەكتەرىنە, بانك شوتتارىنا قول جەتكىزۋگە جول اشاتىنىن ايتتى.

سونداي-اق پرەزيدەنت بيىل دەرەكتەردىڭ قولدى بولۋىنا قاتىستى 40-تان استام جاعداي تىركەلگەنىن, ەڭ ىرى وقيعا ماۋسىم ايىندا بولعانىن اتاپ وتتى. كيبەرقاۋىپسىزدىك سالاسىنداعى فۋنكتسييالاردىڭ بولىنىسى مەن باسقارۋ جۇيەسىنىڭ بىتىراڭقىلىعى مەملەكەتتىك ورگانداردىڭ ارەكەتىن باياۋلاتاتىنىن سىنعا الدى.

توقاەۆ قازىرگى كەزدە ىسكەرلىك جانە جەكە دەرەكتەردى بەرۋ پروتسەسىنىڭ باسىم بولىگى شەتەلدىك مەسسەندجەرلەر ارقىلى جۇزەگە اساتىنىن, بۇل ۇلتتىق زاڭناماعا قايشى كەلۋى مۇمكىن ەكەنىن جەتكىزدى. ول قازاقستاندىق Aitu مەسسەندجەرىنىڭ قاجەتتى قاۋىپسىزدىك دەڭگەيىن قامتاماسىز ەتە الاتىنىن ايتىپ, ۇكىمەتكە بارلىق ماڭىزدى كوممۋنيكاتسييانى ۇلتتىق پلاتفورماعا كوشىرۋدى پىسىقتاۋدى تاپسىردى.