Prezident Qasım-Jomart Toqaev jasandı intellektini damıtu mäseleleri jönindegi keñeste kiberqauipsizdik pen derekterdi qorğau mäselesin köterip, iskerlik jäne qızmettik baylanıstı otandıq messendjerge köşirudi wsındı, dep habarlaydı Shalqar.kz.

Memleket basşısı neyrojelilerdiñ damuımen jaña qauipter payda bolğanın, onıñ işinde adamnıñ dauısın, beynesin jäne minez-qwlqın aynıtpay jasau mümkindigi azamattardıñ jeke derekterine, bank şottarına qol jetkizuge jol aşatının ayttı.

Sonday-aq prezident biıl derekterdiñ qoldı boluına qatıstı 40-tan astam jağday tirkelgenin, eñ iri oqiğa mausım ayında bolğanın atap ötti. Kiberqauipsizdik salasındağı funkciyalardıñ bölinisi men basqaru jüyesiniñ bıtırañqılığı memlekettik organdardıñ äreketin bayaulatatının sınğa aldı.

Toqaev qazirgi kezde iskerlik jäne jeke derekterdi beru procesiniñ basım böligi şeteldik messendjerler arqılı jüzege asatının, bwl wlttıq zañnamağa qayşı kelui mümkin ekenin jetkizdi. Ol qazaqstandıq Aitu messendjeriniñ qajetti qauipsizdik deñgeyin qamtamasız ete alatının aytıp, ükimetke barlıq mañızdı kommunikaciyanı wlttıq platformağa köşirudi pısıqtaudı tapsırdı.