13 тамыздан бастап SpaceX компаниясына тиесілі төмен орбиталы Starlink спутниктері Қазақстан аумағында ресми түрде интернет қызметін ұсына бастады. Енді ел тұрғындары шалғайда болса да, тұрақты әрі жылдам ғаламторға қосыла алады, деп хабарлайды Shalqar.kz.

Цифрлық даму министрлігі Starlink-пен қызмет көрсету барысында Қазақстан заңнамасын толық сақтау жөнінде келісім жасағанын атап өтті. Бұл келісім ақпараттық қауіпсіздік пен байланыс саласындағы барлық талаптардың орындалуын қамтиды.

Starlink технологиясы ауылдық жерлерде, таулы аймақтарда және инфрақұрылымы әлсіз өңірлерде де заманауи цифрлық сервистерді қолдануға мүмкіндік береді. Тарифтер мен қосылу шарттары SpaceX-тің ресми сайтында жарияланған.