13 تامىزدان باستاپ SpaceX كومپانيياسىنا تيەسىلى تومەن وربيتالى Starlink سپۋتنيكتەرى قازاقستان اۋماعىندا رەسمي تۇردە ينتەرنەت قىزمەتىن ۇسىنا باستادى. ەندى ەل تۇرعىندارى شالعايدا بولسا دا, تۇراقتى ارى جىلدام عالامتورعا قوسىلا الادى, دەپ حابارلايدى Shalqar.kz.

تسيفرلىق دامۋ مينيسترلىگى Starlink-پەن قىزمەت كورسەتۋ بارىسىندا قازاقستان زاڭناماسىن تولىق ساقتاۋ جونىندە كەلىسىم جاساعانىن اتاپ وتتى. بۇل كەلىسىم اقپاراتتىق قاۋىپسىزدىك پەن بايلانىس سالاسىنداعى بارلىق تالاپتاردىڭ ورىندالۋىن قامتيدى.

Starlink تەحنولوگيياسى اۋىلدىق جەرلەردە, تاۋلى ايماقتاردا جانە ينفراقۇرىلىمى السىز وڭىرلەردە دە زاماناۋي تسيفرلىق سەرۆيستەردى قولدانۋعا مۇمكىندىك بەرەدى. تاريفتەر مەن قوسىلۋ شارتتارى SpaceX-تىڭ رەسمي سايتىندا جارييالانعان.