Мемлекет басшысы Қасым-Жомарт Тоқаев “Педагог мәртебесі туралы” заңға ұстаздардың құқығын қорғауға бағытталған өзгерістер енгізу қажеттігін мәлімдеді. Президент мұғалімдердің өз міндетіне кірмейтін жағдайлар үшін жазалануы орынсыз екенін атап өтті, деп хабарлайды Shalqar.kz.

Мысал ретінде Алматы облысында түлектер арасындағы қайғылы оқиғадан кейін мектеп директоры мен мұғалімдердің жұмыстан босатылғанын келтірді. Оның айтуынша, егер оқиға мектептен тыс жерде және ата-аналардың жауапсыздығынан болса, педагог жауап бермеуі керек.

Тоқаев мұндай жағдайлардың алдын алу үшін заңға нақты түзетулер енгізу қажет деп есептейді. Ол мұғалім беделін көтеру мемлекеттің басты міндеттерінің бірі екенін баса айтты.