Қарағандыда Костенко шахтасында 46 кеншінің өмірін қиған апатқа қатысты сот үкімі жарияланды. Сот 10 айыпталушыны кінәлі деп танып, оларға 5 жылдан 8 жылға дейін бас бостандығынан айыру жазасын тағайындады, деп хабарлайды Shalqar.kz.

Сот шешімі бойынша шахта директоры Сергей Мустивко 8 жылға сотталды. Өндіріс жөніндегі директордың орынбасары Вадим Ерёмин, бас инженер Николай Грознов және №6 учаске бастығы Виктор Коптенков – әрқайсысы 7 жылға, басқа инженерлер мен қауіпсіздікке жауапты басшылар 5 жылдан 6 жыл 6 айға дейін бас бостандығынан айырылды.

Бұл іс кеншілердің қаза болуына әкелген қауіпсіздік ережелерінің өрескел бұзылуы бойынша қаралды.