قازاقستاندا حالىقتىڭ ومىر سۇرۋ ۇزاقتىعى ارتىپ كەلەدى. دەنساۋلىق ساقتاۋ مينيسترلىگىنىڭ دەرەگىنشە, بۇل كورسەتكىش 2023 جىلى 75,09 جاس بولسا, 2024 جىلى 75,44 جاسقا جەتتى, دەپ حابارلايدى Shalqar.kz.

ۆەدومستۆو مالىمەتىنشە, مۇنداي كورسەتكىشكە قولجەتىمدى ارى ساپالى مەديتسينالىق كومەك پەن سالاۋاتتى ومىر سالتىن ناسيحاتتاۋ ىقپال ەتتى. 2024 جىلدىڭ العاشقى ايلارىندا عانا ستاتسيونارلاردا 1,4 ميلليوننان استام ادامعا كومەك كورسەتىلىپ, 445 مىڭنان استام وتا جاسالعان. ونىڭ ىشىندە 8,4 مىڭعا جۋىق جوعارى تەحنولوگييالىق وپەراتسييا بار.

سونداي-اق, 80 مىڭنان استام ناۋقاس وڭالتۋدان وتكەن, امبۋلاتورييالىق جاعدايدا 3 ميلليوننان استام قىزمەت كورسەتىلگەن. جالپى ولىم-جىتىم دەڭگەيى 4,2%-عا تومەندەگەن.

مينيسترلىك تەمەكى مەن الكوگولьدى تۇتىنۋعا قارسى شارالاردى كۇشەيتىپ, دۇرىس تاماقتانۋ مەن دەنساۋلىققا زيياندى ادەتتەردىڭ الدىن الۋ جۇمىستارىن جۇيەلى تۇردە جۇرگىزىپ كەلەدى. 2023 جىلعى زەرتتەۋ ناتيجەسىندە قازاقستاندىقتاردىڭ 34,2%-ى سالاۋاتتى ومىر سالتىن ۇستاناتىنى انىقتالعان (2022 جىلى – 31,4%, 2021 جىلى – 23,2%). بۇل ازاماتتاردىڭ دەنساۋلىققا دەگەن جاۋاپكەرشىلىگىنىڭ ارتىپ كەلە جاتقانىن كورسەتەدى.