Qazaqstanda halıqtıñ ömir süru wzaqtığı artıp keledi. Densaulıq saqtau ministrliginiñ dereginşe, bwl körsetkiş 2023 jılı 75,09 jas bolsa, 2024 jılı 75,44 jasqa jetti, dep habarlaydı Shalqar.kz.

Vedomstvo mälimetinşe, mwnday körsetkişke qoljetimdi äri sapalı medicinalıq kömek pen salauattı ömir saltın nasihattau ıqpal etti. 2024 jıldıñ alğaşqı aylarında ğana stacionarlarda 1,4 millionnan astam adamğa kömek körsetilip, 445 mıñnan astam ota jasalğan. Onıñ işinde 8,4 mıñğa juıq joğarı tehnologiyalıq operaciya bar.

Sonday-aq, 80 mıñnan astam nauqas oñaltudan ötken, ambulatoriyalıq jağdayda 3 millionnan astam qızmet körsetilgen. Jalpı ölim-jitim deñgeyi 4,2%-ğa tömendegen.

Ministrlik temeki men alkogol'di twtınuğa qarsı şaralardı küşeytip, dwrıs tamaqtanu men densaulıqqa ziyandı ädetterdiñ aldın alu jwmıstarın jüyeli türde jürgizip keledi. 2023 jılğı zertteu nätijesinde qazaqstandıqtardıñ 34,2%-ı salauattı ömir saltın wstanatını anıqtalğan (2022 jılı – 31,4%, 2021 jılı – 23,2%). Bwl azamattardıñ densaulıqqa degen jauapkerşiliginiñ artıp kele jatqanın körsetedi.