الەمنىڭ تۇكپىر-تۇكپىرىنەن جينالعان جاس تالانتتار قاتىسقان “نوۆايا ۆولنا – 2025” حالىقارالىق بايقاۋىندا قازاقستاندىق ارتىستەردىڭ جۇلدىزى جاندى. بيىلعى دودادا قوس بىردەي وتانداسىمىز ۇزدىكتەر قاتارىنان تابىلدى, دەپ حابارلايدى Shalqar.kz

بايقاۋدىڭ باس جۇلدەسىن الەكساندر ليم يەلەندى. وسىلايشا ول اتالمىش فەستيۆالьدە جەڭىسكە جەتكەن العاشقى قازاقستاندىق رەتىندە مادەنيەت تاريحىنا ەندى. ال ۇشىنشى ورىن جاس ورىنداۋشى ەرنازار جۇبانعا بۇيىردى.

ەسكە سالا كەتەيىك, ەرنازار جۇبان وتكەن جىلى ۆيتەبسكىدە وتكەن “سلاۆيان بازارى” فەستيۆالىندە توپ جارىپ, بىرىنشى ورىندى قانجىعاسىنا بايلاعان بولاتىن.

ال الەكساندر ليم كوپشىلىككە الەۋمەتتىك جەلىدەگى ەرەكشە كاۆەر-ۆيدەولارى ارقىلى تانىمال. ول تۇرلى تىلدەردە حيت اندەردى ورىنداپ, جۇزدەگەن مىڭ كورەرمەننىڭ ىقىلاسىنا بولەنگەن. انشى بۇعان دەيىن “I’m a Singer Kazakhstan” جوباسىندا جارتىلاي فينالعا شىقسا, “گولوس ۋكراينى” شوۋىندا نادەجدا دوروفەەۆانىڭ كومانداسىندا ونەر كورسەتىپ, نوكاۋت كەزەڭىنە دەيىن جەتكەن ەدى.

مادەنيەت جانە اقپارات مينيسترلىگى ونەر يەلەرىن قۇتتىقتاپ, جاستاردىڭ حالىقارالىق دەڭگەيدەگى جەتىستىكتەرىن زور ماقتانىشپەن اتاپ وتتى.