Qazaqstanda bilim beru salasında jaña täjiribe qolğa alınbaq. Mektep bağdarlamasındağı birqatar pänderdi biriktirip oqıtu josparlanıp otır, dep habarlaydı Shalqar.kz

Ükimet üyinde ötken baspasöz jiınında oqu-ağartu ministri Ğani Beysembaev pilottıq jobanıñ män-jayın tüsindirdi. Onıñ aytuınşa, aldağı uaqıtta algebra men geometriya “Matematika” päni ayasında biriktirilmek. Al tarih pen qwqıq negizderi “Qoğamdıq ğılımdar” sabağına toptastırıladı.

“Köterilgen mäsele pilottıq joba retinde jüzege asırıladı. Mamandardıñ wsınısı boyınşa algebra men geometriyağa qatıstı köptegen swraqtar tuındadı”, – dedi ministr.

Bwl qadam halıqaralıq bilim beru ürdisterimen de ündes. Pänaralıq oqıtu arqılı oquşılardıñ materialdı jeñil qabıldauı, taqırıptardıñ qaytalanbauı jäne oqu bağdarlamasınıñ tiimdiligi artadı dep kütilude.

Ministrdiñ aytuınşa, özgerister birden barlıq mektepke engizilmeydi. Eksperiment aldımen 20 oblıstıñ tañdaulı mektepterinde jürgiziledi. Nätijeler saralanğannan keyin ğana onı jalğastıru nemese bwrınğı jüyege oralu turalı şeşim qabıldanbaq.

Sonday-aq Ğani Beysembaev bwl joba mwğalimderdiñ jwmıs ornına äser etpeytinin atap ötti. “Mwğalimderdiñ jwmıs ornı saqtaladı, iske asıru kezinde mektepterdiñ kadrlıq deñgeyin eskeremiz”, – dedi ol.

Eksperimentke qatısatın mektepterdiñ naqtı tizimi keyinirek jariyalanadı.