Qazaqstanda memlekettik kirister organdarına azamattardıñ bank şottarın tekseruge rwqsat berilui ıqtimal. Eger jaña talap küşine ense, şeneunikter qazaqstandıqtardıñ şotındağı qarajat qaldığın ğana emes, olardıñ jwmsalu bağıtın da köre aladı, dep habarlaydı Shalqar.kz.

Qarjı ministrligi äzirlegen bwyrıq jobasına säykes, ükimet bankterdi öz klientteri turalı belgili bir aqparattı memlekettik kirister organdarına beruge mindettey aladı. Eger qwjat qabıldansa, bankter kelesi derekterdi wsınuğa tiis boladı:

 • şottardıñ bar ekeni jäne olardıñ nömirleri turalı aqparat;

 • qarajat qaldığı men qozğalısı jönindegi mälimetter;

 • alınğan nesieler turalı derekter;

 • 20 000 aylıq eseptik körsetkişten (2025 jılı – 78,64 mln teñge) asatın mülik satıp alğan azamattardıñ şotındağı qarajat qaldığı men qozğalısı.

Bwl talap aktivter men mindettemeler (250.00-nısan) jäne kirister men mülik (270.00-nısan) turalı deklaraciya tapsıruğa mindetti twlğalarğa qatıstı bolmaq.

Jaña erejelerdiñ maqsatı – azamattardıñ kiristeri men mülkin aşıq qadağalau, salıqtı ädil töleudi qamtamasız etu, byudjet kiristerin arttıru jäne köleñkeli ekonomikanı azaytu.

Qarjı ministrligi qwjat jobasın 2025 jıldıñ 9 qırküyegine deyin qoğamdıq talqılauğa şığardı.