Қазақстан Президенті Қасым-Жомарт Тоқаевтың мақаласы Қытайдың ағылшын тілді беделді басылымы China Daily газетінде жарияланды. Мемлекет басшысы онда Қазақстан мен Қытай арасындағы берік ынтымақтастықты атап өтті, деп хабарлайды Shalqar.kz.

Бұл жаңалықты Президенттің баспасөз хатшысы Руслан Желдібай өзінің Telegram-арнасында жариялады. Оның айтуынша, бүгін China Daily-де Қасым-Жомарт Тоқаевтың “Strong Kazakh-Sino ties key to successful cooperation” (“Қазақстан мен Қытайдың берік қарым-қатынасы – табысты ынтымақтастық кепілі”) атты мақаласы шықты. Мақалада Қазақстан мен ҚХР арасындағы жан-жақты стратегиялық серіктестікті тереңдету, сондай-ақ Шанхай ынтымақтастық ұйымының әлеуетін арттыру мәселелері қамтылған.

Айта кетейік, China Daily – Қытайдың ең танымал халықаралық басылымдарының бірі. Оның таралымы 700 мың дана болса, газет, онлайн және мобильді нұсқаларын әлем бойынша 350 миллионнан астам адам оқиды.