اباي وبلىسىنىڭ اقسۋات اۋدانىنداعى قارعىبا وزەنىندە جاڭا سۋ قويماسى سالىنادى. قۇرىلىس جۇمىستارى 2026 جىلى باستالماق. قازىر نىساننىڭ جوبالاۋ-سمەتالىق قۇجاتتارى دايىندالىپ جاتىر, دەپ حابارلايدى Shalqar.kz.

جوبانىڭ ۋاقىتىلى ارى ساپالى جۇزەگە اسۋى ۇشىن «قازسۋشار» رمك جەرگىلىكتى فيليالىنىڭ ماماندارى, اقسۋات اۋدانى اكىمدىگىنىڭ قىزمەتكەرلەرى جانە مەردىگەر ۇيىم وكىلدەرىنەن كوميسسييا قۇرىلىپ, قۇرىلىس جۇرگىزىلەتىن اۋماقتى تەكسەردى.

“تەكسەرۋ بارىسىندا تاراپتار جوبانى جان-جاقتى تالقىلاپ, وز ۇسىنىستارىن ورتاعا سالدى. اۋدان اكىمدىگىمەن بىرلەسىپ ىشكى كانالدار دا قارالدى. جەرگىلىكتى اتقارۋشى ورگاندار ولاردىڭ رەكونسترۋكتسيياسىنا قاتىستى جوبالاۋ-سمەتالىق قۇجاتتى ازىرلەۋمەن اينالىسادى. جاڭا سۋ قويماسى مەن ماگيسترالьدى كانالدار اۋدانداعى يرريگاتسييالىق جۇيەلەردىڭ تولىققاندى ارى تيىمدى جۇمىسىن قامتاماسىز ەتەدى, – دەدى اباي وبلىسىنداعى «قازسۋشار» رمك فيليالىنىڭ ديرەكتورى جارقىنبەك بايسابىروۆ.”